Gen. Fidel V. Segundo

Si Fidel noong 1941.

Si Fidel V. Segundo ay pinanganak sa Laoag, Ilocos Norte noong 24 April 1894.  Iniwan ni Fidel ang kanyang pag-aaral na maging doktor sa UP, upang mag-aral sa West Point at nakatapos noong 1917.  Pagkabalik niya sa Pilipinas, siya ay naging second lieutenant sa Philippines Scouts.  Noong 1929, nagturo siya ng military science sa UP at sa kinalaunan ay naging hepe ng military intelligence ng Philippine Army.  Pinakasalan niya si Angela Guerrero Agcaoili ng Ilocos Norte.  Noong pumutok ang WWII, ang mga opisyal at mga kadete ng Philippine Military Academy ay dinala sa UST Manila, kung kailan binuo ang 1st Regular Division — si Fidel ang inatasang commandante.  Pinamunuan ni Fidel ang Morong Sector, nuong Battle of Bataan.  Noong 09 Abril 1942, nakakuha siya ng utos na isuko ang kanyang depensa.  Matapos mapiit sa Capas concentration camp sa Tarlac, nakulong siya sa Santa Ana, Manila. Noong 19 Disyembre 1944, inutos ni Kosahi Kobayashi na i-torture si Fidel at ang kanyang anak na si Fidel Jr.  Pinatay ang mag-ama nang nakataling magkasama.  Binigyan siya ng US Purple Heart.  Sanggunian [1][2][3][4]

[+]  Guapo, makisig, malapad ang balikat, matapang, makabayan, matalino, etcetera, etcetera.

[-]  Wala!  Nuknukan ang paghanga namin!


Paulino Riestra Alcantara

Si Paulino noong 1916.

Si Paulino Alcantara ay pinanganak sa Iloilo noong 07 October 1897 sa mag-asawang Eduardo Alcantara, isang sundalong Espanyol at kay Victoriana Riestra, isang Spanish-Ilonggang mestiza. Bumalik ang mag-anak sa Espanya noong 1905. Noong 1912, sa edad 15 anyos, si Paulino ay naging pinakabatang manlalaro ng FC Barcelona. Dahil sa lakas ng sipa niya, nakasira siya ng goal net sa isang laro laban sa France. Mula nuon, tinawag siyang “El Rompe Redes”, “Trencaxarxes” na ang ibig sabihinay “net breaker”.

Pinauwi si Alcantara sa Pilipinas noon 1916 para mag-aral ng medisina; pero tuloy ang laro ni Alcantara para sa Bohemian Sporting Club. Noong 1917, nagka-malarya siya; at tumangging uminom ng gamot hanggang hindi siya pabalikin sa Espanya ng kanyang mga magulang. Sa kanyang pagbalik sa Espanya, siya ang nagtala ng career scoring record na 357 goals sa 357 games. Hindi siya sumali sa 1920 Olympics dahil kasabay ito ng finals niya sa med school. Nagretiro si Alcantara noong 1927 para maging doktor. Namatay siya noong 1964 sa Barcelona.

Sanggunian [1][2][3][4][5][6][7]

[-] Hindi palangiti, mahaba ang mukha, payat

[+] Ang kauna-unahang Azkal! Pinakamagaling na Asyanong naglaro ng football, sabi ng FIFA.


Ramon Magsaysay

Si Monching noong 1920s.

Isa sa mga pinakamamahal na Pangulo ng Pilipinas si Ramon Magsaysay. Pinanganak siya sa Iba, Zambales noong 1907 sa isang panday (Anak ng Panday!) at isang guro. Nagtapos siya ng high school noong 17 taong gulang siya at nagtrabahong mekaniko at tsuper, habang nag-aaral ng Engineering. Nag-shift siya at nakatapos ng Commerce sa Jose Rizal College (ngayon Jose Rizal University) sa Mandaluyong.

Pag-kalikot ng kotse talaga ang hilig ni Ramon kaya ito ang naging unang trabaho niya nang sumali siya sa Army. Naging guerilla siya nang sumabog ang World War II at dito lumabas ang kakayahan maging lider. Dahil sa malinis na pangalan at mahusay na track record, madali si Magsaysay nanalong Congressman ng Zambales, napiling Secretary of National Defense ni President Quirino at nanalong Presidente ng Pilipinas noong 1953. Si Magsaysay ang nag-umpisa ng paggamit ng mga “jingles” sa kampanya dahil mahilig sumayaw si Lolo Monching. Isa sa pinaka-memorable na campaign jingle ang “Mambo Magsaysay“.

Namatay si Magsaysay sa isang plane crash sa Mt. Manunggal sa Cebu, walong buwan bago matapos ang term niya bilang Presidente. Limang milyong nag-hahagulgulang Pilipino ang sumabay sa pagdala sa kanyang bangkay sa Cementerio del Norte. Sanggunian [1][2]

[+] Makisig — hanep sa balikat, kahit walang shoulder pads! Simpatiko — napasuko niya yung Huk na inutisang i-assassinate siya. Down-to-earth — pinabukas niya ang Malacanang Palace para sa mga taong-bayan.

[-] Sana lang, nag-iwan siya ng clone; para siya yung Presidente natin ngayon.