Marcial Ama
Ipinaskil: 02.24.2012 Filed under: Mga Kriminal Leave a comment »
Si Baby Ama ay na-silya-electrika.
Si Marcial Ama ay kilala rin sa pangalang “Baby Ama”. Tinawag siyang “Baby” dahil artistahin ang mukha at naging pinaka-batang lider ng Sige-Sige Gang. Nabilanggo siya dahil sa pagnanakaw pero sa lumaki ang kaso niya habang nakalagak sa kalaboso. Dahil sa away laban sa Oxo Gang, siya ay nasangkot sa pinaka-malaking rayot sa kasaysayan ng New Bilibid Prison sa Muntinglupa. Nahatulan siya at ang kanyang mga kasama dahil sa pagkamatay ng 9 bilanggo — yung isa, napugutan ng ulo! Batang-bata siya nang nasilya-elektrika nuong 1961. Kung nabuhay siya, malamang ay lolo na siya ngayon.
Naging popular ang kanyang pangalan nang isa-pelikula ang kanyang buhay noong 1976. Si Rudy Fernandez (ang apo ng isang Lolong Guapo na si Gregorio Fernandez) ang gumanap bilang Baby Ama sa “Bitayin si Baby Ama”. Sanggunian [1][2][3]
[+] Maamo ang mukha!
[-] Um … mamamatay-tao po si Lolo.
Ramon V. Albano
Ipinaskil: 01.20.2012 Filed under: Mga Mag-aaral Leave a comment »
Chito Albano, ang Cub Scout King ng Letran.
Si Chito Valdes Albano ay pinanganak noong 3 September 1947. Siya ay ika-lima sa mga anak nina Dr. Paulino E. Albano and Dr. Pilar Valdes-Albano. Kilala ang mga magulang niya sa Gagalangin, Tondo dahil sila ang nagmamay-ari at nagpapatakbo ng St. Rita Maternity Hospital. Pumasok siya sa Immaculate Concepcion Academy at sa Colegio de San Juan de Letran, kung saan umigting ang hilig niya sa pagbo-Boy Scout. Noong 1955, pinangalanan siyang “Cub Scout King” ng Letran ni Yvonne de los Reyes, ang B. Pilipinas noong taong iyon. Mahilig siya sa “outdoors” — paglangoy, pag-camping at iba pa.
Noon 1963, itinanghal ang ika-11 World Scouts Jamboree sa Marathon, Greece; at isa si Chito sa mga matatalinong kabataan na kumatawan sa Pilipinas. Pero noong ika-28 ng Hulyo 1963, nahulog ang eroplanong sinasakyan ng mga “scout” na Pilipino na ikinasawi nilang lahat. Nagluksa ang buong bansa. Kinse pa lang si Chito noon. Ngayon may paaralan sa Maynila at daan sa Quezon City na itinawag sa kanya. Sangunian [1][2]
[+] Laging handa!
[-] Maaga kinuha ni Lord. :(
Benigno Aquino Jr.
Ipinaskil: 08.22.2011 Filed under: Mga Aktibista, Mga Bayani, Mga Manunulat, Mga Politiko Leave a comment »
Si Ninoy at ang kanyang signature glasses.
Bago pa man siya naging model sa P500, at bago pinangalan sa kanya ang paliparan sa Pasay, si Benigno Aquino Jr. ay isang ulirang anak galing sa prominenteng pamilya sa Tarlac. Naging pinaka-batang manunulat siya noong Digmaaan sa Korea; kung saan siya nagkamit ng mga parangal. May mga pagkakataon na toka siya sa pagiging escort — halimbawa, kay Miss Tarlac na si Cristina Galang noong 1953. Sumunod ang maraming mga natupad sa batang-batang edad sa larangan ng politika at pagsulat. Pero naging kilala si Ninoy sa maingay na pagpintas kay dating Pangulong Marcos noong panahon ng martial law, na dahilan kung bakit siya pinapatay sa tarmac noong 21 August 1983. Sanggunian [1][2][3]
[+] Kahit malabo ang mata, ma-porma pa rin. Pinauso niya ang salaming kuwadrado.
[-] Sukdulan ang kulit. Hindi magpapatalo.
